Өскемен қаласында 2009-2010 жылдары туған ер балалар және  2007-2008 жылдары туған қыздар арасында волейболдан ел чемпионаты басталды.

Аладоп бәсекесіне еліміздің түкпір-түкпірінен жиырмадан астам команда жиылып, өзара мықтыны анықтап жатыр, деп хабарлайды Altainews.kz тілшісі.

Мамандардың айтуынша, мұндай жарыстар жас спортшылардың ептілігі мен шеберлігін шыңдауға зор септігін тигізіп ғана қоймай осы жерде көзге түскен ойыншылар волейболдан еліміздің жастар құрамасына шақырту алады. Аталған жарыста біздің облыстың намысын екі команда қорғап жатыр.

Жас спортшылар жарысқа аса тыңғылықты дайындықпен келген. Олардың басты мақсаты – волейболдан еліміздің жастар құрамасына шақырту алып, кәсіби спортшы атану.

Айта кетейік, Шығыс Қазақстан облысы мықты волейбол мектебімен танымал. Дәл осы жерде Қазақстан құрамасының болашақ ойыншылары ойнап жүргені сөзсіз.

Айта кетейік Өскемен қаласында волейболдан жасөспірімдер арасында өтіп жатқан Қазақстан чемпионаты 26 наурызға дейін жалғасады.