KZ
Өскемен
+24°
небольшая облачность жел 2 м/с, СБ
443.44 480.51 4.88

Планидовка ауылына апаратын көпір кешке дейін қалпына келтіріледі – Глубокое ауданы

12.04.2024, 12:12 130 Ержан Әбіш

Кеше кешке әлеуметтік желілерде Глубокое ауданының Планидовка ауылына апаратын көпірдің Глубокое өзенінің тасуы салдарынан бүлінгені туралы ақпарат тарады. Тез тарап кеткен видеоның авторы алаңдаған дауысымен көпірді тасқын шайып кеткенін, Планидовка тұрғындары жол қатынасынсыз қалғанын аптыға айтады. Алайда бұл мәлімет дұрыс болмай шықты, көпірді Секисовка ауылдық округіндегі шаруа қожалықтардың жетекшілері әрі қарай жөндеу мақсатында өздері шешіп алған, деп хабарлайды Altainews.kz тілшісі.

Біз нақты жағдайды білу үшін жергілікті билік органдарымен және тұрғындармен жедел байланысқа шықтық.

Аудан әкімдігінің мәліметінше, көпірдің төменгі бөлігі 2018 жылы су тасқыны кезінде шөккен. Ол бес жыл бойы солай тұрған.

– 8 сәуірде біз көпірді тексердік, ол кезде бүліну қаупі болған жоқ. Шаруа қожалықтарының басшылары егіс науқаны басталғанға дейін көпірді өз күштерімен қалпына келтіруге шешім қабылдады. Алайда, жергілікті атқарушы органдар мен ТЖ бөлімін бұл туралы хабардар етпеді, сондай-ақ тиісті дайындық жұмыстарын жүргізбеді, – деп түсіндірді Глубокое ауданы әкімінің орынбасары Аян Макиев.

Ол елді мекендер арасындағы көлік қатынасы айналма жол арқылы қамтамасыз етілгенін атап өтті. Жергілікті халыққа хабарланды.

Қалпына келтіру жұмыстары бүгін кешке аяқталады. Жағдай аудан әкімінің жеке бақылауында.

Естеріңізге сала кетейік, кеше еліміздің вице-премьері, су тасқынына қарсы іс-шараларды үйлестіру және су тасқынының салдарын жою жөніндегі республикалық штаб басшысының орынбасары Қанат Бозымбаев қоғамда, әсіресе зардап шеккен өңірлерде дүрбелең тудыруы мүмкін жалған ақпарат таратқандарға қылмыстық жауапкершілік қарастырылғанын ескертті.

 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив