Облыс бойынша көп ауданда қар мен су мөлшері нормадан 1,5-2 есе жоғары
Қазіргі уақытта облыста су тасқынының бірінші толқыны аяқталуда, деп хабарлайды Altainews.kz тілшісі ШҚО ТЖД ақпаратына сүйеніп.
Алайда өңірдің таулы аумақтарындағы қар жамылғысының және ылғал қорының биіктігін, ауа температурасының жоғарлауы, оның ішінде түнгі уақытта және жауын-шашынның болуы мүмкіндігін ескере отырып, сәуір айының ортасына қарай екінші су тасқыны толқыны және таулы өзендерде (Бұқтырма, Үлбі, Уба, Тұрғысын, Күршім, ҚалжыржәнеХамир) су деңгейінің көтерілуі күтілуде.
- Бүгінде қар жамылғысының ауданы 50%-дан астам. Көптеген аудандарда қар қоры және ондағы судың мөлшері нормадан 1,5-2 есе жоғары, - деп хабарлады ШҚО ТЖД. - Су тасқыны жағдайын бақылау үшін тұрақты түрде аэровизуалдық тексерулер жүргізіледі. 132 гидротехникалық құрылыстар штаттық режимде жұмыс істеуде. Бөгеттерде судың деңгейі алдын ала төмендетілген.
Еріген сулардың және өзендерде мұз кептелістерінің өтуіне мониторинг күшейтілді. Су тасқыны учаскелерін барлап қарау жалғасуда.
Облыста жедел штаб тәулік бойы жұмыс істеуде. Күштер мен құралдар әзірлікке келтірілді.
Оқи отырыңыз
