Экология және табиғи ресурстар министрі Ерлан Нысанбаев Шығыс Қазақстан облысының Алтай ауданы тұрғындарымен кездесті.

Кездесуде өңірдегі, оның ішінде Өскемен қаласындағы экологиялық ахуалды жақсарту үшін қандай жұмыстар атқарылып жатқаны туралы сұрақтар қойылды, деп хабарлайды Altainews.kz тілшісі.

Министр Шығыс Қазақстан облысында экологиялық жағдай тұрақты екенін атап өтті. Статикалық деректер кейінгі жылдары қоршаған ортаға шығарылатын улы газдардың азайғанын көрсетеді.

Қазір облыста бірінші санатқа жататын 57 кәсіпорын жұмыс істеп тұр. Олардың қатарында “Казцинк” ЖШС, “Өскемен ЖЭО” ЖШС, “Өскемен титан-магний комбинаты” АҚ, “Үлбі металлургиялық зауыты” АҚ, “Бұқтырма цемент зауыты” АҚ сияқты іргелі өнеркәсіп орындары бар.

Фото: Аяужан Утеулинова