Мемлекет басшысының тапсырмасына сәйкес, биыл Шығыс Қазақстан тұрғын үйді пайдалануға беру көлемін 359,4 мың шаршы метрден 400 мың шаршы метрге дейін ұлғайтпақ, бұл 2023 жылға қарағанда 113%-ға артық. Бұл туралы облыс әкімдігінің мәжілісінде ШҚО құрылыс, сәулет және қала құрылысы басқармасының басшысы Дидар Кеңесбаев мәлімдеді, деп хабарлайды Altainews.kz тілшісі.

Оның ішінде 75 мың шаршы метрді (19%) бюджет есебінен, ал 325 мың шаршы метрді (81%) жеке инвестициялар есебінен салу жоспарлануда.

Жыл қорытындысы бойынша 258 мың м² көппәтерлі үй (жоспардан 64%) және 142 мың м² жеке тұрғын үй (жоспардан 36%) іске қосылады деп күтілуде, бұл көрсеткішті орындауға мүмкіндік береді.

2024 жылдың бірінші жартысында 141 мың м² тұрғын үйді пайдалануға беру жоспарлануда, бұл өткен жылдың сәйкес кезеңімен салыстырғанда 104%-ға көп немесе бір жылдағы тұрғын үйді пайдалануға берудің жалпы көлемінің 35%-ын құрайды. Екінші жартыжылдықта 259 мың м² тұрғын үй пайдалануға беріледі, бұл – жалпы көлемнің 65%.

Сондай-ақ Дидар Кеңесбаев тұрғын үй құрылысына салынатын инвестициялардың көлемі 130 млрд теңгені құрайтынын, оның 85%-ы жеке инвестициялар екенін айтты.

Облыс әкімі Ермек Көшербаев халықты жалдамалы тұрғын үймен қамту туралы айта келе, тұрғын үй бағдарламасын іске асыру бойынша жұмысты өзгерту және халықтың әлеуметтік осал санаты үшін тұрғын үйді жекешелендіру мәселесін пысықтау қажеттігін айтты.

Естеріңізге сала кетейік, бүгінде облыстың 15 мыңға жуық тұрғыны баспанаға мұқтаж.