Ауылшаруашылығы, тамақ және өңдеу өнеркәсібі қызметкерлерінің кәсіби мерекесіне орай Катонқарағай ауданында салтанатты шара ұйымдастырылды, деп хабарлайды  Altainews.kz  тілшісі.

Мерекелік кешті аудан әкімі Данияр Дюсембаев ашып, қатысушыларды құттықтап, ауыл шаруашылығы саласының дамуына қосқан еңбектері үшін алғыс білдірді. Сондай-ақ, Шығыс Қазақстан облысының Ауыл шаруашылығы басқармасы мен аудан әкімінің атынан Алғыс хаттары табысталды.

Марапат иелері:
Солтанбаев Өмерзак – Катонқарағай ауданының ауыл шаруашылық бөлімінің маманы;
Тулемисова Айгүл – «Сәуле» шаруа қожалығының басшысы;
Ишимов Абзал – «Катон-Карагайский олений парк» қызметкері;
Абижанов Бекболат – жеке кәсіпкер, омарташы;
Тоқтасын Ислам – «Топқайың» шаруа қожалығының жұмыскері;
Дариға Темірбекова – «Баян» шаруа қожалығының басшысы және тағы басқа еңбек озаттары.

Салтанатты шарада еңбеккерлерді аудандық маслихат төрағасы Бейімбет Болаев құттықтады. Сонымен қатар, ауыл шаруашылығымен қатар туризм саласында табысты еңбек етіп жүрген кәсіпкерлер мен шаруа қожалықтарының жетекшілері ақжарма тілектерін білдірді.

Мереке барысында аудандық мәдениет үйінің әртістері өнер көрсетіп, жиналған қауымға көтеріңкі көңіл-күй сыйлады.