– 13 қараша күні түнгі сағат 2-де бізге мұз түйіршіктерінің пайда болғаны туралы хабар түсті. Қалаға су беру тоқтап жатты. Түнде дереу оқиға орнына жетіп, сағат 3-те су арнасы қосалқы (жерасты) су көзін қосты. Қала сусыз қалған жоқ, бірақ қосалқы су қоры жеке секторларға жеткіліксіз болды. «Казцинк» ЖШС, «Шығыс Жылу» АҚ, «Востокмонтаж» ЖШС өндірістік кәсіпорындары, сондай-ақ Ботаника, Гавань, Сазоновка (Таловка, Полярная, Малая Таловка) елді мекендері, ВГСЧ, Орман шаруашылығы және ДОСААФ аймақтары су жүйесінен ажыратылды. Таңғы сағат 7-де бригадалар аварияны жоюға кірісті. Сағат 13:00-де апат жойылып, су беру қалыпты режимге көшірілді. Екі жеке сектор – Ботаника және Полярный аудандары әзірге сусыз қалып отыр. Бүгін сағат 13:00-ге дейін оларға су беру қалпына келтіріледі, – деп түсіндірді Риддер қаласы ТҮКШ бөлімінің басшысы Рауан Құрметұлы.

– Мұз қабыршақтарының түзілуі – табиғи құбылыс. Біздегі өзен таулы жерде орналасқан және температура -7 градусқа дейін төмендегенде өзенде мұз қабыршақтары түзіледі, яғни бұдан қашып құтылу мүмкін емес, бұл жыл сайын болады. Өткен жылы ауа райы аномальды болғанда, Громатуха өзенін шамамен екі ай мұз жаппады. Бұл алғашқы аяз, Громатуха беті толық ашық, сондықтан мұз қабыршақтары пайда болды. Кептеліс нөлдік камерада болды, оны жуып, түскі уақытқа қарай су беру қалпына келтірілді, – деді ол.