Жол полиция қызметкерлері шұғыл медициналық көмек қажет болған баланы отбасымен бірге ауруханаға кедергісіз және жылдам жеткізді, деп хабарлайды Altainews.kz тілшісі.

Туыстарының айтуынша, бала сырғанақта ойнап жүріп, құлап, аяғын ауыр жарақаттап алған. Ол көп қан жоғалтып үлгерген. Осындай қиын сәтте оларға борт нөмірі 144-ші патрульдік экипаждың қызметкерлері Архат Қасымханов пен Алмас Егінбаев көмекке келген.

Тәртіп сақшылары көліктің облыстық балалар ауруханасына дейін қауіпсіз әрі кедергісіз жетуіне жағдай жасап, жедел әрекет еткен. Олардың жылдамдығының арқасында зардап шеккен жасөспірім дер кезінде дәрігерлерге жеткізілді.

Шығыс Қазақстан облысының Полиция департаменті қыс мезгілінде ойын-сауық кезінде қауіпсіздік шараларын сақтаудың маңыздылығын ескертеді.

Айна Ескенқызы