ШҚО-да медициналық және санаториялық-курорттық туризмді дамытуға көңіл бөлінуде
Шығыстың табиғаты мен дәрігерлердің кәсіби әлеуеті өңірде медициналық және санаториялық-курорттық туризмді дамытуға да ықпал етеді. Бұл туралы брифинг барысында ШҚО әкімі Ермек Көшербаев мәлім етті, - деп хабарлайды Altainews.kz тілшісі.
- Пантымен емдеу орындары облыстың брендіне айналған. Оған қоса қазір үздік технологиямен жабдықталған және білікті кадрлары бар облыстық онкология орталығы өзге өңірлер мен шет ел тұрғындарын емге қабылдай бастады. Біздің кейбір ауылдастар баруды жөн көретін Түркияда немесе Кореяда, мұндай рәсім шамамен 3 мың АҚШ долларын құрайды,- деді Ермек Беделбайұлы.
Туризмді дамыту – бірінші кезекте жол бойындағы сервис, ас мәзірі, қызмет көрсету сапасы, инфрақұрылым, электр қуаты және жолдың сапасына байланысты. Шығыс Қазақстан облысында осы мәселелерді кешенді түрде шешу қолға алынғанын айта кеткен жөн.
Оқи отырыңыз
