Шығыс Қазақстан облысының құтқарушылары күн сайын түрлі төтенше жағдайларда алдыңғы шепте жүреді. Олардың жұмыс күні адам өмірін құтқаруға және табиғи апаттар мен техногендік қауіптердің салдарын жоюға бағытталған. Жақында өткен апта құтқарушылар үшін есте қаларлық оқиғаларға толы болды. Олар кезекті төтенше жағдайларға жауап беріп қана қоймай, жарыстарға қатысты, ардагер әріптестерін құрметті демалысқа шығарып салды және Қазақстан Республикасының Тәуелсіздік күніне арналған іс-шараларға белсене атсалысты, деп хабарлайды Altainews.kz тілшісі.

Негізгі міндет - уақтылы әрекет ету

Өскемендегі жеке саунада орын алған өрт құтқарушылардың кәсіби деңгейінің тағы бір дәлелі болды. Өрт 180 шаршы метр аумақты қамтығанымен, зардап шеккендер болмады. ШҚО Төтенше жағдайлар департаментінің қызметкерлері өрт қауіпсіздігі ережелерін сақтау қажеттігін еске салды.

Өрт сөндірушілердің гидранттарды табуды жеңілдету үшін ШҚО ТЖД кезекшілік қызметі бейнетрансляция жүйесін жасап, гидранттардың орналасқан жері мен жағдайы туралы нақты ақпаратты уақытында беруге мүмкіндік туғызды.

Жақында, 11 желтоқсанда, халықаралық Тау күні атап өтілді. Шығыс Қазақстан таулары өз сұлулығымен таң қалдырады және демалыс үшін тамаша жағдайлар ұсынады, бірақ сонымен қатар айтарлықтай қауіп төндіруі мүмкін.

Еске сала кетсек, облыстың аумағының көп бөлігін Рудный Алтай таулары алып жатыр. Белуха тауы өзінің 4506 м биіктігімен Сібір мен Алтайдағы ең жоғары тау болып табылады. Бұл жер қар мен мұздың, сондай-ақ көшкін мекені. Белухадан жақын орналасқан Бүркіт тауының биіктігі 3373 м. Бұл тау – Оңтүстік Алтайдың екінші ең танымал шыңы.

Қыс мезгілінде құтқарушылар мен «Казауылқорғау» филиалының мамандары тау аймақтарын бақылап, көшкін қауіпті жерлерді үнемі тексеріп отырады. Бұл маңызды, себебі облыстың 70%-ы осындай қаупі бар аумақта орналасқан. Қардың көп мөлшері таудың беткейлерінде жиналған жағдайда, төтенше жағдайлардың алдын алу үшін профилактикалық шаралар жүргізіледі.

ШҚО ТЖД азаматтарға тауға шығудан бұрын келесі ережелерді сақтауды ұсынады:

• Маршрутты 112 телефоны арқылы тіркеу;
• Жеке көтерілуден аулақ болу – тәжірибелі гидпен қауіпсіз;
• Қолайсыз ауа-райында тауға шығудан бас тарту;
• Жоғары сапалы жабдық таңдау және қауіпсіздік құралдарын ұмытпау;
• Төтенше жағдай туындаған жағдайда 112 нөміріне хабарласу.

Қазақстан Республикасының Тәуелсіздік күні қарсаңында Өскемен қаласында жаңадан орнатылған «Желтоқсан алауы» ескерткішіне гүл шоқтарын қою рәсімі өтті. Құтқарушылар мен жас мамандардың қатысуы бұл шараның мәнін тереңдетіп, патриотизм мен тарихты ұғындыруға ықпал етті. Еске сала кетсек, бұл ескерткіш Алматыдағы 1986 жылғы Желтоқсан оқиғасына қатысқан азаматтардың өшпес ерлігін өскелен ұрпаққа жеткізу мақсатында орнатылды. Әрине, 1986 жылғы оқиғалар еліміздің тарихында маңызды орын алады және Қазақстанның қоғамдық-саяси дамуына елеулі өзгерістер енгізді. Рәсімге ШҚО ТЖД қызметкерлері және жас құтқарушылар қатысты.

Сонымен қатар, ШҚО ТЖД қызметкерлері Оралхан Бөкей атындағы Орталық қалалық кітапханаға барып, Қазақстан Республикасының Тәуелсіздік күніне арналған дөңгелек үстелге қатысты.

Кітапхана қызметкерлері Қазақ хандығынан бүгінгі күнге дейінгі тарихи кезеңді қамтитын деректі фильмді ұсынды. Құтқарушылар еліміздің тәуелсіздігі жолындағы күрес туралы мағлұмат алуға мүмкіндік алды.

Жарысқа қатысқан құтқарушылар

Шығыс Қазақстан облысының ТЖД-де Қазақстан Республикасының Тәуелсіздік күніне орай өртке қарсы спорттан облыстық жарыстар өтті. Жарыстың салтанатты ашылуында ШҚО ТЖД бастығының орынбасары Исхар Савазов қатысып, спортшыларды жарыстың басталуымен құттықтап, табыс, жоғары жетістіктер және сәттілік тіледі.

Жарысқа 70-тен астам спортшы қатысып, ерлер, әйелдер және жасөспірімдер арасындағы екі түрлі 100 метрлік кедергілер жолын жеңу және өрмелеу баспалдағымен көтерілу  сайыстарында жеңімпаз атанды:.

Жарыс нәтижелері:

Өрмелеу баспалдағымен көтерілу бойынша:

Әйелдер арасында:

1. Валерия Поволодская (ШҚО)
2. Регина Митрофанова (ШҚО)
3. Анна Лиморенко (ШҚО)

Ерлер арасында:

1. Николай Буторин (ШҚО)
2. Игорь Стецура (ШҚО)
3. Мурагер Асылов (ШҚО)

Жасөспірімдер арасында жеңімпаздар келесі түрде:

Ұлдар арасында:

1. Алинур Елеусизов (Абай облысы)
2. Сергей Ермалюк (Абай облысы)
3. Владислав Пупков (ШҚО)

100 метрлік кедергілер жолын жеңу бойынша:

Әйелдер арасында:

1. Регина Митрофанова (ШҚО)
2. Валерия Поволодская (ШҚО)
3. Айдана Ержанова (ШҚО)

Ерлер арасында:

1. Илья Югов (Абай облысы)
2. Быржан Бауржанұлы (ШҚО)
3. Мурагер Асылов (ШҚО)

Жасөспірімдер арасында жеңімпаздар:

Ұлдар:

1. Степан Савченко (ШҚО)
2. Расул Кенжебек (ШҚО)
3. Сергей Ермалюк (Абай облысы)

Құтқарушылар арасында өткен армрестлинг сайысы:

70 кг дейінгі салмақта: 1 орын – Дюсюпов Н.Н., Өскемен 80 кг дейінгі салмақта: 1 орын – Аскаров А.Е., Бозанбай 90 кг жоғары салмақта: 1 орын – Абыкенов А.Н., Шемонаиха

ШҚО ТЖД өрттің алдын алу жұмыстарын күшейтті

Шығыс Қазақстан облысы Төтенше жағдайлар департаментінің қызметкерлері жылыту маусымында өрт қауіпсіздігінің алдын алу жұмыстарын күшейтті. Бұл кезеңде тұрғындардың жылыту және электр жабдықтарын белсенді пайдалануына байланысты өрт шығу қаупі артады. Құтқарушылар өрт санын азайтып, азаматтардың өмірі мен мүлкін барынша қорғау үшін профилактикалық жұмыстарды күшейтті.

Қызметкерлер үйлерді аралап, рейдтер, түсіндіру жұмыстары мен нұсқаулықтар өткізуде. Тұрғындарға жылыту жүйелері мен электр құралдарын пайдалану кезіндегі қарапайым қауіпсіздік ережелері ескертілуде. 

Жылыту маусымы басталғалы барлығы 116 656 үй тексеруден өтті. Тексеру барысында өрт қауіпсіздігі ережелерінің 33 мыңнан астам бұзушылығы анықталды, оның 14 мыңнан астамы пешпен жылытуға байланысты. ШҚО ТЖД қызметкерлерінің уақтылы профилактикалық жұмыстарының арқасында тұрғындар 23 874 бұзушылықты жойды. 

Ерекше назар көпбалалы отбасыларға, зейнеткерлерге, мүгедектерге және әлеуметтік осал санаттағы азаматтарға аударылуда. Бұл үйлерде улы газды анықтайтын датчиктер орнатылып жатыр. Жалпы 3011 пеш пен мұржа тексеріліп, бұзушылықтар анықталған жағдайда оларды жою бойынша ұсыныстар берілді. 

ШҚО ТЖД азаматтарға өрт қауіпсіздігі ережелерін қатаң сақтауды ескертеді: 

- тек жарамды пештер мен электр құралдарын пайдалануға рұқсат етіледі; 

- пештерді шамадан тыс қыздыруға және электр желілерін шамадан тыс жүктеуге болмайды; 

- мұржаны уақытылы күйеден тазарту қажет; 

- пешті балаларға жаққызуға тыйым салынады; 

- тұтандыру үшін жанғыш сұйықтықтарды қолдануға болмайды. маңызды өрттерді сөндірді және көптеген адамдардың өмірін сақтап қалды.