Бүгін Азия ойындарында биатлон бойынша алғашқы жарыс өтті. Спортшылар 7,5 шақырымдық спринтте екі нысана алаңынан ату кезеңін еңсерді ,- деп хабарлайды Altainews.kz тілшісі t.me/sportnurkz телеграм-арнасына сілтеме жасап. 

Қазақстандықтар арасынан Арина Крюкова үздік нәтиже көрсетіп, төртінші орынға тұрақтады. Жүлделі орынға небәрі 5,5 секунд жетпей қалды. Ал Ольга Полторанина бесінші орынға табан тіреді. Сондай-ақ, Дарья Климина жетінші, Полина Егорова 13-ші орыннан көрінді.  

Бүгін ерлер арасында спринт өтеді. Ал бейсенбі күні эстафеталық жарыстарда Азия ойындарының соңғы медаль жиынтықтары сарапқа салынбақ.  

Фото: Kevin Voigt/Getty Images