ШҚО құтқарушылары ескертеді: көктемгі мұз өте қауіпті
Жыл сайын мұз үстіндегі қауіпсіздік ережелерін сақтамау адам өліміне әкеліп жатады. Көбіне мұндай жағдайға әуесқой балықшылар мен көктемгі еріп жатқан мұзға көлікпен шығуға тәуекел еткен жүргізушілер тап болады.
Осыған байланысты ШҚО ТЖД құтқарушылары облыстық спорттық балық аулау кубогына қатысушыларға қауіпсіздік бойынша нұсқаулық өткізді, деп хабарлайды Altainews.kz тілшісі.
ШҚО ТЖД мамандарының айтуынша, наурыз айындағы мұз аса қауіпті.
– Берік мұздың құрылымы мөлдір, жасылдау реңкті болады. Ал жұқа мұз, керісінше, ақшыл-сұр немесе сарғыш түске ие, көбіне кеуекті болып келеді. Мұндай мұз ескертусіз, сарт-сұрт сынбай-ақ опырылып кетуі мүмкін, – деп ескертеді құтқарушылар.
Көктемгі кезең баршамыздан тәртіпті, мұқият болуды және мұз бен судағы қауіпсіздік ережелерін қатаң сақтауды талап етеді. Көктем мезгілінде су айдындарын кесіп өтуге қатаң тыйым салынады.
– Еске сала кетейік, төтенше жағдай туындағанда шұғыл түрде 112 нөміріне хабарласу қажет, – деді ШҚО ТЖД бастығының орынбасары Исхар Савазов.
Фото: ШҚО ТЖД
Оқи отырыңыз
