Елімізде 120-дан астам өрт сөндіру бөлімі жетіспейді
Фото: obk.kz
Қазіргі күні елімізде барлығы 426 өрт сөндіру бөлімі құрылған. Бірақ әлі де 121 бөлімше жетіспейді.
Бұл туралы Төтенше жағдайлар вице-министрі Ибрагим Күлшімбаев айтты, деп хабарлайды Altaynews тілшісі Zakon.kz сайтына сілтеме жасап.
Вице-министрдің айтуынша, кейінгі жылдары бүкіл әлемде орман өртінің ауқымы артып келе жатыр. Үш жыл бұрын Қазақстанда 700 орман өрті, 2022 жылы – 757, ал 2023 жылы 146 орман өрті тіркелген.
– Өртке қарсы қызметтің материалдық-техникалық қамтамасыз етілуіне келсек, қазір бізде 426 өрт сөндіру бөлімшесі бар екенін айтқым келеді. Бұл жеткіліксіз, бұл әлі де стандартқа сай емес, 121 бөлімше салу керек. Қазір бұл жоспарда. Қазір жол картасы бойынша 21 өрт сөндіру пункті салынып жатыр. Былтырдан бері жұмысты күшейттік, – деді ол.
Сонымен қатар 3600 техника жетіспейтінін де атап өтті. Жабдықтардың 15%-ы немесе 470 бірлігінің қызмет ету мерзімі 20 жылдан асқан. Президенттің тапсырмасы бойынша бұл мәселені шешу үшін кешенді жоспар қарастырылыпты. Қазір ол барлық мемлекеттік органмен келісіліп, қол қою сатысында тұр.
Оқи отырыңыз
