Жалақы, зейнетақы және жәрдемақы: әлеуметтік саладағы жұмыс қорытындыланды
Қазақстанда әлеуметтік саланы қолдау және дамыту мәселелеріне басымдық беріледі.
Мемлекет жұмыс орындарын құру және азаматтардың жалақысын көтеру бойынша жұмыс жүргізіп жатыр. Сондай-ақ әлеуметтік көмектің түрлі мемлекеттік бағдарламалары іске асырылып, тиісті инфрақұрылымды жаңғыртуға қаражат бөлінді, деп хабарлайды Altaynews.kz тілшісі Primeminister.kz сайтына сілтеме жасап.
Бұл жұмыстың маңыздылығын Мемлекет басшысы әрдайым атап көрсетеді.
- Әлеуметтік кепілдіктердің қазіргі көлемі қысқармай, оларға шынымен мұқтаж азаматтардың пайдасына қайта бөлінуі тиіс. Мемлекет әлеуметтік осал топтағы жандарға көмектеседі. Барлығының негізі қолдау жәрдемақыларын төлеуге емес, тиімді жұмыс орындарын құруға бағытталған белсенді әлеуметтік саясат болуы керек. Бұл «жалпыға бірдей жұмыспен қамту» қағидатын іске асыруды қамтамасыз етуге мүмкіндік береді, - деп атап өтті Қасым-Жомарт Тоқаев осы жылдың көктемінде еліміздің әлеуметтік-экономикалық даму мәселелері жөніндегі кеңейтілген кеңесте.
Геосаяси жағдайға қарамастан республикадағы барлық әлеуметтік міндеттемелер мүлтіксіз орындалып жатыр. Сонымен қатар бюджет мүмкіндігіне қарай зейнетақы, жәрдемақы мөлшері және басқа да әлеуметтік қолдау шаралары артады.
Айжанат Бақытқызы
Оқи отырыңыз
