Өскеменде автоеріктілер жобасы жүзеге асырылады
Фото: @ukaasar
Өскеменде автоеріктілер жобасы жүзеге асырылып келеді. Бұл жоба осыдан бес жыл бұрын қолға алынған болатын, деп хабарлайды Altaynews.kz тілшісі.
Өскемен-АСАР автоеріктілер жобасы - қала әкімдігі осыдан бес жыл бұрын бастаған алғашқы жобалардың бірі.
- Жылдан жылға пайда әкеліп, жалғасын тауып келе жатқан осындай жобалар аса қуантады. Бұл жобаның жүзеге асырылып, нәтиже көрсетіп отырғанына, міне, алты жыл болды. Өткен жылы еріктілер 260 шақырту алып, қызмет көрсеткен, - дейді қала әкімі Жақсылық Омар
.
Автоеріктілердің қызметіне жалғыз басты зейнеткерлер, мүгедектігі бар адамдар, көпбалалы отбасылар, мүгедектігі бар балаларды тәрбиелеп отырған ата-аналар жүгіне алады. Қайырымды автомобильшілер емханаға, базарға, қоғамдық орындар мен саябақтарға тегін жеткізіп тастайды.
Сервистің қызметін пайдалану немесе адамдарға көмек көрсетіп жүргендердің қатарына қосылу туралы ақпаратпен жобаның парақшасында @ukaasar танысуға болады.
Оқи отырыңыз
