Құтқарушылар жүкті әйелді ауруханаға жеткізуге көмектесті – ШҚО
Құтқарушылар ауа райының қолайсыздығына байланысты ауруханаға жете алмай қалған жүкті әйелге көмекке келді.
Шұғыл медициналық көмек керек болған тұрғынды Серебрянск қаласындағы аурухағана жеткізу қажет болған, деп хабарлайды Altainews.kz тілшісі.
- Әйел адамды бұрқасын жел салдарынан ауруханаға жеткізу мүмкін болмаған. 10 шақырымдай жүргеннен кейін артқа қайтуға мәжбүр болдық. Осылайша, құтқарушылардың көмегіне жүгіндік, - дейді Жаңа Бұқтырма кентінің фельдшері Сәуле Дүйсенеева.
Алтай ауданы әкімдігінің қызметкерлері мен аудандық ауруханың дәрігерлері Жаңа Бұқтырма кентіне дейін жоғары өтімді көлікпен жолға шыққан.
- Жас ана перзентханаға аман-есен жеткізіліп, қызын дүниеге әкелді. Қазір екеуінің де денсаулығы жақсы. Бүгінде үйге шығарылған. Құтқарушылар осындай төтенше жағдай кездері үнемі жедел жәрдем қызметкерлеріне қолдау көрсетіп отыратынын атап өткім келеді, - дейді Серебрянск қаласы ауруханасының бас дәрігері Сәтбек Борбасов.
Оқи отырыңыз
