Шығыс Қазақстан облысының әкімдігі халықты қолдау үшін ауыз суды арзандату бойынша маңызды шаралар қабылдауда, деп хабарлайды Altainews.kz тілшісі.
Су кодексіне сәйкес, мемлекет аса маңызды топтық және жергілікті сумен жабдықтау жүйелерінен ауыз су беру  қызметтерінің құнын ішінара субсидиялайды. Яғни, тариф пен төлем мөлшері арасындағы айырмашылықты (суды есепке алу құрылғысымен – текше метр үшін 45 теңге; құрылғысыз – текше метр үшін 60 теңге) мемлекет субсидиялайды.
ШҚО энергетика және тұрғын үй-коммуналдық шаруашылық басқармасының ақпараты бойынша, субсидия су шаруашылығы ұйымдарына белгіленген су тұтыну лимиті шегінде ауыз су беру бойынша нақты көрсетілген қызметтер үшін төленеді.

Айта кету керек, ауыз су қызметтерін субсидиялау белгілі бір қаржылық шығындарды талап ететіні белгілі, дегенмен бұл судың қол жетімділігі мен әлеуметтік әділеттілік мәселелерін шешудің маңызды құралы.