Елімізде жетім балалар мен ата-анасының қамқорлығынсыз қалған балаларға жеке қолдау мен көмек көрсететін тәлімгерлік институтын енгізу жөніндегі жоба табысты іске асырылуда. Республиканың 17 қаласында 300-ден астам адам тәлімгер атанды, деп хабарлайды Altainews.kz тілшісі.

Тәлімгерлік - жетім балалар мен ата-анасының қамқорлығынсыз қалған балалардың әл-ауқатын қамтамасыз етудің маңызды құралы. Ол баланы қоғамға бейімдеуге және өз бетінше ересек өмір сүруге дайындауға бағытталған.

Тәлімгерлікке үміткерлерді іріктеуді қорғаншы және қамқоршы органдар жүзеге асырады. Әрбір кандидат әңгімелесу арқылы өтеді, сондай-ақ тұрғын үй, тұрмыстық жағдайлары да ескеріледі. Іріктеудің барлық кезеңдерінен өтіп, тиісті қорытынды алғаннан кейін ғана тәлімгер бола алады.