12 қараша күні облыс орталығындағы Бажов көшесінде қыз баланы көлік қағып кетті.

Жол-көлік оқиғасынан зардап шеккен қыз түрлі дене жарақатымен ауруханаға жеткізілді, деп хабарлайды Altaynews тілшісі.

- Қазіргі уақытта ҚР Қылмыстық кодексінің 345-бабының 2-бөлігі бойынша сотқа дейінгі тергеу басталды (абайсызда адам денсаулығына ауыр зиян келтіруге әкеп соққан ЖҚЕ бұзу), — дейді ШҚО ПД баспасөз қызметі.

Тергеу амалдары құпия түрде жүргізілетіндіктен полиция қызметкерлері оқиғаның нақты қай жерде болғанын айтудан бас тартты.