Өскемен: Жаз басталғалы саяжайларда 13 рет өрт шыққан
Фото: ШҚО ТЖД баспасөз қызметі
Жаз мезгілі басталғалы бері облыс орталығындағы саяжайлардан 13 рет өрт шыққан.
Соңғы өрт оқиғасы 26 маусым, яғни кеше "Металлург-3" саяжай қауымдастығында болды, деп хабарлайды Altaynews тілшісі.
Тілсіз жаудың жалпы аумағы – 25 шаршы метр. Абырой болғанда, қызыл жалын тез арада ауыздықталды, зардап шеккендер болған жоқ. Қазіргі уақытта өрттің шығу себебі бойынша 2 нұсқа қарастырылуда, атап айтқанда, абайсызда жұмыс істеу және қасақана өрт қою, дейді ШҚО ТЖД баспасөз қызметі.
Жалпы, жаз мезгілі басталғалы бері Өскеменде 13 рет өрт шыққан. Мамандардың айтуынша, негізгі себептері отпен абайсызда жұмыс істеу, пешті жағу, электр желілері мен электр құралдарын пайдалану ережелерін бұзу, сондай-ақ ғимараттардан нормативтік қашықтықты сақтамай бақша учаскелерінде қоқыстарды жағу болып табылады.
Оқи отырыңыз
