Өскеменде Қабанбай көшесінде 8 айлық баланың саусағы пластмасса ойыншығына қыстырылып қалған.

Ата-анасы баланың саусағын өз беттерінше алуға талпынғанмен, нәтиже шықпаған. Содан құтқарушылардан көмек сұрады.

- Мамандандырылған жасақ қызметкерлері тістеуіштің көмегімен абайлап баланың саусағын босатты. Бөбек «құтқару операциясын» дыбысын шығармай, төзімділікпен шыдап бақты, - деп хабарлайды ШҚО ТЖД баспасөз қызметі.

ШҚО ТЖД ата-аналарға жауапкершілік туралы ескертеді. Балаларды қараусыз қалдырмаңыздар.
Төтенше жағдай кезінде 112-ге хабарласк керек.