Семей орманындағы алапат өрт ауыздықталды.

14 маусымда сағат 21.00-де әуеден барлау және жедел жағдайды бағалау қорытындысы бойынша Абай облысындағы "Семей орманы" табиғи резерватының аумағындағы табиғи өрттің оқшауланғаны жарияланды, деп хабарлайды Altaynews тілшісі ҚР ТЖМ баспасөз қызметіне сілтеме жасап.

Бұл ретте қалыптасқан жағдайды ескере отырып, негізгі күш-жігерді жергілікті жану ошақтарын сөндіруге және жаңаларының пайда болуына жол бермеуге шоғырландыру үшін күштер мен құралдарды қайта топтастыру жүргізілді.

Сонымен қатар өрт толық жойылғанға дейін оқшауланған ошақтардың орындарына үнемі су төгу, сондай-ақ өрттің шетін топырақпен толтыру және толтыру жүзеге асырылады.