Өскеменде автовокзалдың жанындағы скверді абаттандыру жұмыстары аяқталды, деп хабарлайды Altaynews тілшісі.

Абай даңғылы мен Красин көшесінің қиылысында жаңа демалыс зонасы пайда болды. Мұнда бұрын азық-түлік дүңгіршектері орналасқан. Қазір бұл жер жарықтандырылып, қоқысқа арналған жәшіктер мен орындықтар қойылды.

Сондай-ақ, Абай даңғылының бойындағы тротуардың асфальт жабындысы мен жиектастары ауыстырылды. Демалыс орны жаңа қоршаумен қоршалды.

Абаттандыру жұмыстарының барысында кәсіпкерлерден қалған қоқыстар шығарылды.