Қазақстан әлемдегі үздік елдердің тізімінде 66-орында тұр, - деп жазады Ranking.kz.

US News & World Report басылымы жариялаған тізімде Швейцария 1-орында тұр. Сондай-ақ, тізімде Канада, Жапония, Германия және Австралия, Ұлыбритания, АҚШ, Швеция, Нидерланды және Норвегия елдері бар.

Ranking сарапшыларының айтуынша, рейтингі 9 көрсеткіш негізінде дайындалған:

1) кәсіпкерлікті дамыту;
2) туристер арасында қаншалықты танымал;
3) өз азаматтарына қарым-қатынас (адам құқықтарын қорғау, экология және гендерлік теңдік);
4) мәдени әсер;
5) тарихи мұра;
6) даму әлеуеті;
7) бизнес үшін ашықтық;
8) әскери күш;
9) өмір сапасы.