Жарысты Өскемен Бард-рок клубы және "Горный ручей" шығармашылық бірлестігі ұйымдастырады.

"Малоубинка 2020" V халықаралық фестивалі биылғы жылы карантинге байланысты дәстүрлі түрде өтпейтіндіктен, ұйымдастырушылар фестивальді интернет-конкурс түрінде https://fest.kz ресми сайтта өткізуді шешті.

Жарыс екі кезеңнен тұрады. Бірінші кезеңде жұмысты өтініммен бірге 5-7 минуттық бейнежазба түсіріп жіберу керек. Оны сайтта электронды түрде толтыруға немесе үлгіні көшіріп алып, поштаға жіберуге болады: fest@fest.kz. Бұл кезең 2020 жылдың 22 тамызына дейін өтеді.

Екінші кезең 2020 жылдың 23 тамызында фестиваль сайтында тікелей эфирде өтеді, қазылар алқасы жеңімпаздарды жариялайды. Қосымша ақпарат алу үшін 8-777-980-28-55 нөміріне хабарласуға болады.