Өскемен қаласындағы Үлбі өзенінің Протозанов жағалауында түсірілген бейнежазба әлеуметтік желілерде таралып, көпшіліктің назарын аударды. Құтқарушылардың айтуынша, мұз үстінде шайба теуіп жүрген үш жасөспірімнің әрекеті өмірге қауіп төндірді, деп хабарлайды Altainews.kz тілшісі.  

– Он үш-он төрт жастағы жасөспірімдер мұздың үстінде ойнап жүрді. Бұл өте қауіпті. Бізді көрген олар қашып кетті, – дейді құтқарушылар.

Мамандар мұздың қалыңдығы әлі жеткілікті дәрежеде қатпағанын ескертуде. Оның үстінде жүру, тіпті ойнау кез келген уақытта қайғылы жағдайға әкелуі мүмкін.  

Құтқарушылар қала тұрғындарын сергек болуға шақырады.  
– Осындай қауіпті жағдайларды байқасаңыз, бірден құтқарушыларға хабар беріңіз. Балалардың өміріне жауапты болайық!  

Өзіңізді және жақындарыңызды сақтаңыз!

Айна Ескенқызы