Тарбағатай ауданының белсенді жастары аудандық Жастар ресурстық орталығы ұйымдастырған жастар форумында бас қосты. "Болашақтың жарқын айнасы – жастар" тақырыбымен өткен шараға 300-ден астам адам қатысты. Форум екі бөлімнен тұрды және салтанатты ашылуында аудан әкімінің орынбасары Мамарбаев Болатбек Омарбекұлы қатысушыларға құттықтау сөзін арнап, түрлі салада ауданның дамуына үлес қосқан жастарды марапаттады. 

Форум барысында әртүрлі салада табысты еңбек етіп жүрген жастарға арнайы дипломдар мен сыйлықтар табысталды:

• "Жылдың үздік жас дәрігері" – Айтқалиева Айжан Айтқалиқызы, педиатр дәрігер;
• "Жылдың үздік медицина қызметкері" – Жұмағазин Расул Серікұлы;
• "Жылдың үздік жас ұстазы" – Баяхметов Ілияс Мейрамғазыұлы, тарих пәнінің мұғалімі;
• "Жылдың үздік спортшысы" – Аринбеков Еркебұлан Бақытбекұлы;
• "Жылдың үздік жас кәсіпкері" – Мұрат Азамат;
• "Жылдың үздік Жасыл ел сарбазы" – Қабдығалымова Айзада Серікқызы;
• "Үздік жас мемлекеттік қызметкер" – Мәлтаев Мирас Маратұлы;
• "Үздік жас мәдениет саласының қызметкері" – Айдарбекұлы Жансерік;
• "Үздік жас мал дәрігері" – Кабыкенов Айдын Ерболұлы;
• "Үздік жас құрылысшы" – Қыдырмоллаев Мейір Бекенұлы;
• "Үздік еңбек адамы" – Менкенов Азамат Даниярұлы.

Іс-шара концерттік бағдарламамен өрбіді. Ауданның ауылдық округтерінен келген өнерпаз жастар көрерменнің ыстық ықыласына бөленді. Форум аясында Өскемен қаласынан келген "Біздің Өскемен" шығармашылық тобы ұйымдастырған "Қазақша Quiz"  зияткерлік ойыны да жастардың ерекше қызығушылығын тудырды.

Мемлекеттік жастар саясатын дамытуға белсенді үлес қосып жүрген жастарға арналған мұндай форум олардың жаңа идеяларын жүзеге асыруға, тәжірибе алмасуға және өңірдің дамуына серпін беруге мүмкіндік берді.

Фото: Тарбағатай ауданының Ішкі саясат бөлімінен