Шығыс Қазақстан облысының Ұлан ауданында автокөлік жолының асфальті опырылып, төмен түсіп кетті, деп хабарлайды Алтайньюс тілшісі.

- Алғабас-Тарғын көлік жолының 16 шақырымында асфальттің жиегі опырылып кетті. Бұл бетон  су өткізгіш құбырдың отырып, тозып кеткенінің салдарынан болды, – деп жазды Ұлан ауданының әкімі Нұрымбет Сақтағанов әлеуметтік желідегі жеке парақшасында.

Аудан басшысының айтуынша, жол учаскесі дереу қоршауға алынып, арнайы техника келіп, жолды жөндеген.

- Ешқандай апатты жағдай болған жоқ. Аталмыш жолда «ОблШығысЖол» компаниясы қызмет көрсететінін атап өткім келеді, – деп жазды аудан әкімі.