Шығыс Қазақстан облысында 10-нан астам автокөлік тасжолда тұрып қалды, деп хабарлайды Алтайньюс тілшісі.

Тасжолдың тайғақтығынан жүк көлігінің жүргізушісі тізгінге ие бола алмай қалған көрінеді. Алып «Камаз» Риддер-Өскемен трассасын кесе-көлденеңдеп тұрып қалған. Оның артынан келген оннан астам жеңіл көлік қаз-қатар тізіліп тұр.

Дереккөздердің мәліметіне сүйенсек, жүргізушілер мен жолаушылар үш сағаттан бері құтқарушылар мен жол қызметінің өкілдерін күтуде.

– Құтқару қызметіне хабар берілді. Біздің экипаж жолға шығып кетті, – деп мәлімдеді ШҚО полиция департаменті.