ШҚО-да жаңа жылда бес жатақхана құрылысы басталады. Бұл туралы кеңейтілген аппарат кеңесінде облыс әкімі Даниал Ахметов айтты.

– Елбасы Нұрсұлтан Назарбаевтың тапсырмасы бойынша, оқу орындарына, әсіресе, бірінші кезекте колледждерге мемлекеттік-жекеменшік серіктестік аясында немесе мемлекет бюджетімен жатақхана салуды бастауымыз керек. Білім мен Құрылыс басқармаларына тез арада Өскемен мен Семей қаласы бойынша бес жатақхананың жобалық-сметалық құжатын дайындауды, жер мәселесін шешуді тапсырамын. Біз Елбасының тапсырмасын орындауға міндеттіміз, – деді Даниал Ахметов.