Өскемен тұрғыны Динара Ерғазина босанғаннан бері бір жыл бойы әлеуметтік аударымдарын ала алмай келеді, деп хабарлайды Алтайньюс тілшісі.

– Міне, балам алдымда отыр. Бір жасқа толып қойды. Ал декреттік төлемдерімді әлі ала алмай келемін, – деп айтты Динара облыс әкімі Даниал Ахметовке.

– Мен сіздің мәселеңізбен алдын-ала таныстым. Міне, басқарма басшылары отыр, тапсырма бердім. Жуық арада қаражатыңызды қолға аласыз, – деді Д.Ахметов.

Айта кетейік, бүгін облыс әкімі тұрғындарды жеке мәселелері бойынша қабылдады.