Өскеменде көлік тонаған ұры қолға түсті, деп хабарлайды Altaynews тілшісі.

30-шы қазан күні 102 каналына шаһар тұрғынынан шағым түсті. Жәбірленуші көлігін бейнежазбаға түсіріп, әлеуметтік желілерге таратқан да  болатын.

Жедел іздестіру шаралары барысында 28 жастағы ер адам қолға түсті. Күдікті осыған дейін сотты болған. Ол қылмыс жасалған түні екі көлікті тонағанын мойындаған. Аталған факті негізінде ҚР ҚК 188, 200 баптары бойынша сотқа дейінгі тергеу амалдары басталды.