Семейде төрт күн ішінде жол жүру ережесі 627 рет бұзылды, деп хабарлайды Алтайньюс тілшісі. Бұл туралы Семей Полиция басқармасы мәлім етті.

Қазан айының 21-27 аралығында қалада «Қауіпсіз жол» жедел-профилактикалық іс-шарасы жүргізілді. Тексеру барысында семейліктер төрт күнде жол жүру ережесін 627 рет бұзған. Мәселен, жол қозғалысы кезінде ұялы телефонды қолдану – 37, қауіпсіздік белдігін тақпау – 50, бағдаршамға бағындау – 5, жаяу жүргіншілерге жол бермеу – 78, мас күйінде көлік тізгіндеген - 8 оқиға тіркелген.