Үкіметтің кеңейтілген отырысында Премьер-Министр Олжас Бектенов Қазақстанда алғашқы атом электр станциясын (АЭС) салу бойынша келісімдер жақын арада жасалатынын мәлімдеді, деп хабарлайды Altainews.kz тілшісі Tengrinews.kz порталына сілтеме жасап.

Бұған дейін Президент Қасым-Жомарт Тоқаев АЭС салу мәселесін жеделдету қажет екенін атап өткен болатын.

2024 жылдың қараша айында Энергетика министрлігі АЭС құрылыс технологияларын жеткізушілермен келіссөздер бастағанын хабарлаған болатын.

Бүгін Астанада Мемлекет басшысының қатысуымен Үкіметтің кеңейтілген отырысы өтіп жатыр. Отырыста 2024 жылғы әлеуметтік-экономикалық даму қорытындылары жасалып, алдағы кезеңге арналған негізгі міндеттер айқындалады. Жиында Премьер-министр Олжас Бектенов, Ұлттық банк төрағасы Тимур Сүлейменов және бірнеше өңірдің әкімдері баяндама жасайды.