Бүгін ШҚО-ның бірнеше қаласында қар жауып қалды, деп хабарлайды Алтайньюс тілшісі.

Кеше Риддер қаласының тауларында қалың қар жауып қалғаны туралы жазған едік. Бүгін қар Риддердің өзінде және Өскемен қаласында жауды.

Риддерде түнімен қапалақтап жауған ұлпа қардың қалыңдығы тобыққа жетеді деседі. Ал қала сыртында одан қалың қар түскен. Салдарынан қазір автожолдарда көктайғақтан көлік қозғалысы қиындап отыр.

Облыс орталығы Өскеменде алғашқы қар бүгін сағат 10.00 шамасында жауып бастады. Сондай-ақ, әлеуметтік желі қолданушыларының айтуынша, Глубокое ауылында да қар жауып қалған екен.