Бүгін өскемендіктер қала күнін атап өтеді, деп хабарлайды Алтайньюс тілшісі.

Өскемен – Шығыс Қазақстан облысындағы өнеркәсіптің орталығы, мәдениеттің ошағы, береке-бірліктің қара шаңырағы. Шығыстың бас шаһары Ертіс пен Үлбі өзендерінің сағасында орналасқан, көлемі 54,4 мың га жерді алып жатыр. Табиғаты континенталды. Қала халқы - 320,2 мың адам.

14 қыркүйек күні Шығыстың бас шаһарының құрметіне арналған концерт, фестиваль және шоу-бағдарлалар легі толастамайды. Мерекелік шаралардың тізбегін бұған дейін жазғанбыз. Сондай-ақ бұл күні ерекше бал фестивалінің өтетіндігі туралы да оқырмандарға құлаққағыс еттік. Ал көлігі бар көпшілік қауымның қала күнінде қандай көшелердің жабық болатынын біле жүргені абзал.