Үш күннен кейін «Самал» саябағының ашылуы өтеді, деп хабарлайды Алтайньюс тілшісі.

Естеріңізге сала кетсек, Өскемендегі "Самал" саябағын абаттандыру бойынша жұмыстардың тамыздың 15-інде аяқталатыны жайлы жазған едік. Осыған байланысты, көпшіліктің сүйікті мекеніне айналған саябақтың ашылуы өтпек.

Бірер күн бұрын, қалалық ТҮКШ бөлімі салтанатты ашылудың 30 тамызға белгіленгенін мәлімдеген болатын. Алайда атаулы шараның мерзімі 26-шы тамызға көшіріліпті.

26 тамыз күні сағат 16:00-ден бастап паркте концерттік бағдарлама мен спорттық ойындар ұйымдастырылады.