Риддер орманында жидек теруге шығып, адасып кеткен екі бала табылды. Оқиға 10 тамыз күні болған, деп хабарлайды Алтайньюс тілшісі.

Азаматтық қорғау қызметкерлері екі баланың жоғалғаны туралы қоңырау түсе сала орманды сүзіп шығады. Жасөспірімдерді омартаға жақын маңдағы бір бұлақтың маңынан табады. Олар қараңғы түсе бастағандықтан бағыттарынан жаңылған екен.

Құтқарушылардың айтуынша, адасқандардың екеуі де жарақаттан аман. Дәрігер қарауын қажет етпеген.

Азаматтық қорғау қызметкерлері орман ішінде кешкілік уақытта жүруге болмайтынын ескертеді.