Риддер қаласының маңын тағы да аюлар кезіп жүр. Бұл жолы жыртқыш аң малға шабуылдаған екен, деп хабарлайды Алтайньюс тілшісі.

Адамдар аюларды "Қара Үбе" аңшылық шаруашылығының маңынан байқап қалыпты. Тұрғындардың айтуынша, Үбе өзенінің жоғары жағында орталық базадан төрт шақырымдай жерде омарта бар екен. Сол жерде аюлар өгіз бен сиырға шабуылдаған. Ал одан жоғары қарай жеті шақырымдай жерде орналасқан шаруа қожалығында екі бұзауды жәукемдеген.

Бұған дейін аюлар Риддердегі демалыс базасына келіп, демалушылардың тамақтарын жеп кетіп жүргені жайлы жазған едік.