Өскеменде жол апатына ұшыраған мәшинелердің шеруі өтті, деп хабарлайды Алтайньюс тілшісі.

Эвакуаторға тиелген көліктер облыс орталығының басты көшелерімен жүріп өтті. Полиция қызметкерлері акцияны қала тұрғындарына арнап ұйымдастырған көрінеді.

– Осы акция арқылы жол жүру ережелерін сақтауға шақырамыз. Өйткені қираған автокөліктердің барлығы түрлі ережелерді бұзғандықтан пайда болады – дейді ҚР ІІМ хабарламасында.

Айтпақшы, ағымдағы жылы ШҚО-да 318 жол-көлік оқиғасы тіркелген. 5-ақ айдың ішінде облысымызда 44 адам көз жұмып, 446 адам зардап шеккен.