Полиция Алматы-Өскемен автожолындағы кейбір учаскелердің жабылғанын ескертті, деп хабарлайды тілшісі Polisia.kz-ке сілтеме жасап.

Ауа райының қолайсыздығына байланысты Талдықорғаннан шығыс бағытта дизель отынын пайдаланатын автокөлік құралдары үшін қозғалыс шектелген.

Бұдан әрі 410-шақырымға дейін көлік қозғалысы барлық автокөлік түрлері үшін жабық.

«Сондай-ақ, температураның төмендеуі және екпінді жел Алакөл ауданы арқылы Абай облысына қарай өтетін учаскедегі автомобильдердің қозғалысын шектеуге мәжбүр етті», - деп жазылған полицияның хабарламасында.