Өскеменде оқиға куәгері өртеніп жатқан үйден 74 жастағы тұрғынды алып шықты.

Облыстық төтенше жағдайлар департаменті «құтқарушыны» іздестіріп жатыр, деп хабарлайды Altaynews.kz тілшісі.

Ведомствоның ақпаратына сүйенсек, Бажов көшесінде жер үй өртенген.

– Өрт тұтанған кезде үй иесі, 1948 жылғы әйел адам, ұйықтап жатқан. Төтенше жағдайға кездейсоқ тап болған азамат жанып жатқан үйге кіріп, үй иесін терезе арқылы сыртқа алып шыққан, – деп мәлімдеді баспасөз қызметінің өкілдері.

Өрт сөндірушілер 80 шаршы метр аумақты шарпыған жалынның бетін қайтарды.

Ал облыстық төтенше жағдайлар департаменті бейбіт күннің батырынан мына номерге хабарласуды сұрайды: 8 777 977 21 21.