2008 жылдан бастап жыл сайын 6 шілде күні бүкіл ел халық үшін тарихи-мәдени маңызы бар және ҚР жетістіктерінің символы болып табылатын мемлекеттік мерекені - Астана күнін атап өтеді.

Биыл республиканың бас қаласы 25 жасқа толды. Осыған орай, ШҚО-да Астана күнін атап өту үшін мәдени-бұқаралық, ғылыми-білім беру, спорттық іс-шаралар, қайырымдылық, экологиялық акциялар мен челлендждер ұйымдастырылды, деп хабарлайды Altaynews тілшісі.

Аталмыш мерекеге орай облыста бір апта бойы концерт, кітап көрмелері, викториналар, экскурсиялар, дөңгелек үстел өткізілген болатын.

Айта кетейік, өңірде барлығы 127 ауқымды іс-шара ұйымдастырылған.

Мәселен, А.Пушкин атындағы Шығыс Қазақстан облыстық кітапханасының қызметкерлері мүмкіндігі шектеулі балалар мен психоневрологиялық аурулары бар 18 жастан асқан азаматтарға арналған "Астана - бейбітшілік және келісім қаласы" атты концерттік бағдарлама өткізді.