Шығыс Қазақстан облысында өрт қаупі сақталады. Бұл туралы «Қазгидромет» РМК хабарлады.

Мамандардың айтуынша, атмосфералық фронттардың әсерінен еліміздің басым бөлігінде тұрақсыз ауа райы сақталады, жаңбыр жауып, найзағай мен бұршақ, дауыл болады.

«Алматы, Түркістан, Жамбыл, Шығыс Қазақстан, Қарағаңды, Ақтөбе, Ұлытау, Жетісу, Абай облыстарында, Қызылорда облысының орталығында, шығысында, Павлодар облысының оңтүстігінде, батысында, Қостанай облысының оңтүстігінде, Атырау облысының батысында, шығысында, оңтүстігінде, Ақмола облысының оңтүстігінде, батысында төтенше өрт қаупі сақталады», - деп жазылған хабарламада.