Шығыс Қазақстан облысының полиция қызметкерлері заңсыз қару ұстаған күдіктіні тапты.

Оқиға Жаңа Бұқтырма кентінде болған, деп хабарлайды Altaynews тілшісі.

Тәртіп сақшылары жағалаудағы демалыс орындары бірінде демалушыны тінтіп, ҚР ІІМ базасында тіркелмеген «Оса» маркалы травматикалық тапанша тапты. Қару иесі де есепке алынбаған.

Сараптамадан кейін қарудың атуға жарамды екені белгілі болды.

Аталған факті бойынша ҚР ҚК-нің 287-бабы 2-бөлігі бойынша сотқа дейінгі тергеу жүріп жатыр.