ҚР Ұлттық ұланы қашанда көпбалалы әскерилерге ерекше көңіл бөледі. Әсіресе оқу жылының алдында оларға барынша қолдау көрсету қажет.

Өскеменде өткен қазақстандық әскери тәрбиешілердің оқу-тәжірибелік дайындығы барысында Ұлттық ұлан Бас қолбасшысының тәрбие және әлеуметтік-құқықтық жұмыстары жөніндегі орынбасары, Халық қаһарманы, генерал-майор Қайрат Үмбетов сержант Сымбат Ақмолаевтың шаңырағына арнайы барды, деп хабарлайды Altaynews тілшісі.

5518 әскери бөлімінің жауынгерлік қамтамасыз ету ротасының аға маманы аға  сержант Сымбат Ақмолаев Ұлттық ұлан сапында 10 жылға жуық қызмет етіп келеді. Жұбайы Жанна екеуі бес бірдей баланы тәбиелеп отыр. Тұңғыш ұлы Саянұр – биыл үшінші сынып оқушысы, ал қызы Кәусар алғаш мектеп табалдырығын аттағалы отыр. Ең кенже қызы ағымдағы жылы дүние есігін ашқан, небәрі 7 айлық.

Генерал-майор Қайрат Үмбетов «Мектепке жол» акциясы аясында әскеридің  балаларына мектепке қажетті оқу-құралдары мен арнайы сыйлықтар тарту етті.