15 қыркүйекте Қазақстан Қарулы күштерінде Танкистер күні атап өтіледі. Айтулы мерекені «Шығыс» өңірлік қолбасшылығына қарасты Өскемен гарнизонының әскери қызметшілері атап өтті.

Бұл күннің тарихы 1942 жылдан басталады.  1941 жылы Шымкент теміржолының еңбекшіл жастарының бастамасымен бүкіл республика бойынша бір жыл ішінде танк легін құруға жететін ақшалай қаражат жиналды. 1942 жылғы 15 қыркүйекте Шымкенттік комсомол мүшелері 7-ші және 13-ші жеке танк полктеріне «Қазақстан комсомолы» деген жазуы бар 46 Т-34 танкі әскерлерге берілді, деп хабарлайды Altaynews тілшісі.

Кеш барысында әскери қызметте көзге түсіп, жүктелген міндеттерді орындауда өздерін жақсы жағынан көрсеткен әскери қызметшілер марапатталды. 

Мерекеге орай Өскемен гарнизонында ұйымдастырылған салтанатты шара «Ертіс концерт» залында өтті. Мәдени ошақтың ұжымы әскери қызметшілерге мерекелік көңіл күй сыйлап, әсем әуенмен тербетсе, мың бұрала билеген бишілер тамаша кештің көркін қыздырды.