«Қыс-2023» республикалық командалық-штабтық оқу-жаттығуы шеңберінде Шығыс Қазақстанда сағат 12:55 электр сиреналары және сөйлеу құрылғылары іске қосылады, деп хабарлайды Altaynews.kz тілшісі.

Сирена – «Баршаның назарына!» дегенді білдіреді. Егер сіз жұмыста, қоғамдық жерде, көшеде жүріп сиренаның дыбысын естіген болсаңыз, ұялы телефон арқылы радионы дереу қосу керек. Үйде отырып сигналды естігенде, теледидарды дереу қосып, ақпаратты мұқият тыңдау керек. Сирена дыбысы естілгенде дүрбелең туғызбай, көрші-қолаңға да хабар берген жөн. Мұны балаларға да түсіндіріп айту керек.