Шығыс Қазақстан облысында күн райына байланысты ескерту жарияланды. Жел екпіні күшейіп, қарлы бұрқасынға ұласты. Алайда Аяз Ата мен Ақшақар құтқарушылардың ескертуіне құлақ түрмей, мерекелік іс-шараға аттанған. Соның салдарынан жолда қалып, төтенше жағдайға тап болды.

Аяз Ата мен Ақшақарға облыстық төтенше жағдайлар департаментінің өкілдері көмекке келді, 

Құтқарушылар жол талғамайтын техникамен «жолаушыларды» эвакуциялады. Сондай-ақ мамандар көлікті қысқы жолға қалай дайындау керектігін көрсетіп, Аяз Атаға кабель салынған сөмке, оталдыруға арналған сым, жанармай қорын, күрек, фонарь, жылы заттар, азық-түлік және телефонның қосалқы зарядтағышын берді.

ТЖД төтенше жағдай кезінде 112 нөміріне хабарласу керектігін еске салады.