Өскемендік дәрігер өзіне қол салмақ әйелді құтқарып қалды
фото: liter.kz
Өскемендік фельдшер Аяулы Сейсағатова тоғызыншы қабаттан секірмек болған әйелді құтқарып қалды, деп хабарлайды Altaynews.kz тілшісі.
Оқиға былай болған. Көршілер әйел адамның подъезде біртүрлі күйде жүргенін байқап, жедел жәрдемге хабар берген. Дәрігерлер – Ермұхамет Дикенов пен Аяулы Сейсағатова аталған мекенжайға келіп жетеді. «Пациенттің» тоғызыншы қабаттан секірмек болып тұрғанын көрген фельдшер шұғыл әрекетке көшкен.
Аяулы әйелді ұстап қалған. Содан кейін терезе алдынан түсірген. Тұрғын медициналық мекемеге жеткізілді, - деп мәлімдеді облыстық денсаулық сақтау басқармасы.
Қазір қала тұрғынымен мамандар әңгімелесіп жатыр. Неліктен мұндай қадамға барғаны әзірше белгісіз.
Оқи отырыңыз
